Форум » Компактная библиотека » ДЛЯ ВСЯКОЙ ПРОПОВЕДИ ВАЖНОЕ РАЗМЫШЛЕНИЕ. » Ответить
ДЛЯ ВСЯКОЙ ПРОПОВЕДИ ВАЖНОЕ РАЗМЫШЛЕНИЕ.
Александр Гоголев: «Собрание от Божественных писаний протопопа Аввакума Петрова; вопросившу того от царского синклита окольничему Федору Михайловичу Ртищеву: достоит, рече, учитися риторике, диалектике и философии? Быша же сицева вопрошения от окольниче-во к протопопу во 172 году июля в 27 день. Доволно убо беседуя к тем от Божественного писания от уст, протопоп Аввакум представляя тем богословию Христову, свидетельствуемую четырми вселенскими благо-вестники и евангелисты Матвеом, Марком, Лукою и Иоан¬ном Богословом, и яко не внешняя премудрость пользует церковь, но чистая вера и простота рыбарская: не книжни бо суще по писанию умудришася нашедшу Духу Святому и силу и благодать тем давшу, вселенную в веру привлеко-ша. Внешняя же премудрость, рече, яко некая бесчестная рабыня не оставлена бысть внити внутрь церкви, ниже вникнути во Христовы тайны, и верных христиан простота и рекши суть еллинских мудрецов, еликож посредство Платону и Духу Святому. Предложив же и написана свидетельства от Божественного писания сицевая. Не нарицайтеся учители никто ж на земли, един бо есть учитель ваш Христос. И паки: Аз вам дам уста и премудрость, ей же не возмогут противитися ни отвеща-ти вси противляющиися вам (Мат., зач. 93). И еще: Христос убо не учил диалектики а ни красно¬речию потому что ритор и философ не может быти христианин (Лука, зач. 106). Григорий Нисский епископ любил диалектику и риторику; сего ради брат его Григорий Нанзиянский поношая писаше к нему глаголя: но что возлюбил еси лутче и называти себе риторои неже христианином, воспомяни откуду ниспал еси, и прочая (Бароний, року 369). Златоуст же Иоанн философов нарицает трипенеж-ными псами. Нынешних же философов мы како наречем — песьими сынами. И паки инде пишет: аще кто от христиан не истощит от своего помышления всяку премудрость внешнюю и всяку память еллинских философ, спастися не может (Беседы. Л. 1803.). Премудрость бо еллинская мати всем лукавым догматом. Чюдно рещи, яко ко приятию учения Христова невежество ключаемо есть наипаче нежели премудрость внешних философ (Беседы. Л. 540). Християном открывает Бог Христову тайну Духом Святым, а не внешнею мудростию; та бо яко рабыня безщестная не оставлена бысть внити внутрь церкви, ни же вникнути во Христовы тай¬ны (Беседы. Л. 555). Толико христиане мудрейши суть еллинских мудрецов, елико посредство Платону и Духу Святому (Беседы. Л. 556). Преподобный Ефрем Сирин рече: и кроме философии и риторики и кроме граматики мощно есть верну сущи препрети всех противящихся истинне. И по сему слову веры потреба ко спасению и ко прению противящихся, а не риторики и граммати (ки) и христианских добродетелей от чиста сердца, а не философского кичения (В кн. его Л. 11). Еже бо в Распятого веровати, сие премудрости не требует, ниже умышленей, но веры (Беседы. Л. 543). Ныне же, аще кто не будет буй, сиречь аще не всяко умышление и всяку премудрость истощит и вере себя предаст, не возможет спастися (Беседы. Л. 557). Внешняя премудрость сама себе низложи и ни во что же бысть потребна прочее; егда бо достояше ей показати своя сии делы ведети владыки — не хотяще, сего ради аще и хощет ныне ввести себе — не может (Беседы. Л. 543). Ибо путь Богоразумия много болши есть оного сий; сего ради веры и простоты потреба и сию всюду искати и от внешния предпочитати премудрости (Беседы. Л. 544). О буи бо рече Бог: премудрость что есть, о буи бую показа сущия к веры постижения. Нарочитейшего философа вселенней проповедник Златоуст Иоанн Сократа свиною нарече: свиния, рече, вошь пияше, зане от вшей и ядем зле живот сконча (Беседы. Л. 547). И ругаяся Златоуст рече: яко разбойник от судей, сице и той от вшей трепеташе и последнее осуждашеся; мудрость же сего, яко же свинию от вшей, беды смертные не изимаше (Беседы. Лист той же). Платон же и жительство некое ново поставити хотяи, наипаче же часть жительства, и не закона Божия предложив, но просто деяние введе, иная вместо иных, — беду приемляше: от си келий извержен быв умрети, елма же сие не бысть свобод отпаде самыя и зле исчезе... (Беседы. Л. 549). Тако и Протагор философ и Диагор милисийский, и Фе-одор, глаголемый безбожный, новосечения ради, толику беду прияша философи и мудри мужи: живота и отечества отпадоша. Внимати подобает гонящим философию, диалектику и риторику: каков конец ваши учителя прияша, и ни в веце семь славу приобретоша и память бо сих оскверняет воздух. Рыбари же к Богоразумию вселенную уловше, по Бозе быша Божий и по Господь господия, и свет миру всему показашеся, и память их во веки пребывает удивляема бо суть ангелы и человеки (Беседы. Л. 550). Многие отцы и матери драгою ценою купят детем своим вечную погибель, а живота вечного даром взяти не хотят, глаголет мудрец. К сему прочти Исуса Сирахова главу первонадесятую и познаешь како тя превратит иноземец во всех путех твоих и сотворит тя быти посмеянна всему миру. И яко же от искры воспламеняется огнь велик, тако и лукавый человек воздвизает многое кровопролитие и многих погубляет (Сирах. Гл. II). А на первом вселенском соборе некоему философу диякон велел молкнути, и философ онемел и ничто же когда могл глаголати. Главу я пропамятовал, протопоп. Мощно разуметь от Спиридона епископа Тримифийского, како кроме философии препре еретики и верных сотвори. Толика сила веры и простоте, паче же реку Божия премудрость, нежели философии и риторики и диалектиком внешния премудрости. Свет мой, Федор Михайлович, и я ти отвещаю, яко и Григорий Нисский брату его: возлюби зватися християни-ном, яко же и есть, нежели ритором слыть и чуже Христа быть. Мудрость убо плотская, кормилец мой, и иже на нея уповаша а не на Святого Духа во время брани, яко же и пища закону Божию не повинуется, ни может бо; а коли не повинуется и Христос не обитает. Лутче тебе быть с сею простотою, да почиет в тебе Христос, нежели от риторства ангелом слыть без Христа. Простота, государь, о Христе с любою созидает, а разум и риторства кичит. Попросим с тобою от Христа Бога нашего истинного разума како бы спастися, да наставит нас Дух. Святый на всяку истинну, а не риторика с диалектиком. Протопоп Аввакум с сими глаголы и коленом твоим касаюся; писанейце же, государь, сие мне отдай, а пьяным философом не кажи, понеже плотская мудрствуют, и тебя обманывают, и не приемлют духовная милости о Господе. Аминь» В «Послании» вполне определенно высказана мысль о вреде наук в том случае, если они отвращают сердце и ум человека от Бога и тем самым снимают с него моральную ответственность за греховные поступки. Из рукописи, содержащей различные старообрядческие сочинения, писанной в конце XVII в. (в 70-80 гг). скорописью. Находится в Библиотеке Рогожского кладбища // Рахмановское собрание. № 10. (Теперь в РГБ). И.А.Кирилов, «Правда старой веры», Барнаул 2008, стр. 238 – 242. Ниже можно посмотреть современный взгляд на данное высказывание. Ю.В.Лоскутов «Протопоп Аввакум и философия». http://www.starover-perm.narod.ru/avvakum.htm
Ответов - 0
полная версия страницы